this is a title for here

Суханронӣ
22 March 2022

Имом Хоманаӣ бо судури паёме реҳлати ҳуҷатулислом вал муслимин Муҳаммадии Райшаҳриро таслият гуфтанд.


Оятуллоҳ Хоманаӣ Валии амри мусалмонони ҷаҳон, реҳлати ҳуҷатулислом вал муслимин Муҳаммадии Райшаҳриро таслият гуфтанд.

Эшон дар паёми худ таъкид карданд: “Барои касоне, ки аз тақво ва саломати нафс ва муҷоҳидати мустамари ин руҳонии инқилобӣ бохабаранд, фиқдони вай талху андуҳбор аст.”

Оятуллоҳ Хоманаӣ дар ин паём хотирнишон карданд: “Танаввӯъи арсаҳои муҷоҳидати ин олими раббонӣ, илмӣ, ахлоқӣ, инқилобӣ, сиёсӣ, идорӣ, ки ҳама бо ихлос ва сафо ҳамроҳ буд аз ӯ шахсияти камназир падид оварда буд.”

Эшон дар паёми худ афзуданд: “Инҷониб дар тӯли даҳҳо соли ошноӣ ҳамвора салоҳ ва парҳезкориро дар ишон мушоҳида кардам ва умедворам ин захираи арзишманд сабаби раҳмат ва мағфират ва улувви дараҷоти вай шавад.”

Муҳаммади Райшаҳрӣ намояндаи Теҳрон дар давраи панҷуми Маҷлиси хубрагони раҳбари ва тавлияти остони ҳазрати Абдулазим Ҳасанӣ(а) дар охирин лаҳазоти душанбешаб якуми фарвардинмоҳи соли 1401 дар сини 75 солагӣ, дар бемористони Хотамуланбиё(с)-и Теҳрон ба лиқоуллоҳ пайваст.

Марҳум Райшаҳрӣ дар солҳои инқилоб дар саффи аввали муборизот қарор дошт ва пас аз инқилоб ҳам дар масъулиятҳое чун узвият дар Маҷлиси хубрагони раҳбарӣ, ҳузур дар Вазорати итилоъот ба унвони вазир, Додситони кулли Эрон, намояндаи валии фақиҳ дар беъсаи Раҳбари муаззамин инқилоби исломӣ ва тавлияти остони ҳазрати Абдулазим Ҳасанӣ(а) хидмат кард.

21 March 2022

Валии амри мусалмонони ҷаҳон фармуданд: “Иллати тарҳи масоили иқтисодӣ дар рӯзи аввали сол ин аст ки аввалан ба хотири аҳамияти масъалаи иқтисод аст яъне воқеъан агар дар кишвар иқтисод ҳамроҳ бо адолат ба вуҷуд биёяд ҳамаи заминаҳои пешрафт фаъол хоҳад шуд ва кишвар ба пешрафти воқеъӣ хоҳад расид.”


Суханронии Имом Хоманаӣ ба муносибати аввалин рӯз аз соли нав (1401 шамсӣ) аз тариқи маҷозӣ анҷом шуд.

Имсол севвумин сол аст, ки Имом Хоманаӣ ба Машҳад сафар намекунанд ва маросими суханронии наврӯзӣ, ки ҳар сол дар рӯзи аввали соли нав ва дар ҳарами муттаҳари Разавӣ баргузор мешуд, ба иллати тавсияҳои беҳдоштӣ барои пешгирӣ аз густариши вируси корона дар Машҳади муқаддас баргузор намешавад.

Валии амри мусалмонони ҷаҳон дар ибтидои суханронии Наврӯзии имсол бо ишора ба ин ки омехтагии иди миллӣ бо дуъо ва ниёиш дар байни миллатҳо камназир аст баён карданд: Севвумин Наврӯзе аст, ки аз файзи ҳузур дар ҳарами Имом Ризо(а) ва ҷамъи пуршури зоирон маҳрумам.

Раҳбари инқилоб дар идома дар хусуси вижагиҳои муҳими наврӯзи эронӣ афзуданд: Имрӯз масъалаи аслии масъулони кишвар иқтисод аст ва дар иқстисод масъалаи муҳим тавлиди миллӣ аст, агар иқисод ҳамроҳ бо адолат ба вуҷуд биёяд ҳамаи заминаҳои пешрафт фаъол хоҳад шуд.”

Оятуллоҳ Хоманаӣ таъкид карданд: “Сухани имрӯзи ман ин аст, ки барои рушди иқтисодӣ кишвар ба таври қотеъ бояд ба тарафи иқтисоди донишбунён ҳаракат кунем.”

Раҳбари инқилоб афзуд: К”ам шудани ҳазинаҳои тавлид ва афзоиши баҳраварӣ аз натоиҷи иқтисоди донишбунён аст.”

Имом Хоманаӣ фармуданд: “Умед маншаи ҳамаи ҳаракатҳо ва пешрафтҳо аст ва заминаҳои умед алҳамдулиллоҳ кам нест, бигузоред душманон аз умедвории милати Эрон ба хашм биёянд.”

Валии амри мусалмонони ҷаҳон рӯзи якшанбе дар паёми Наврӯзи, шиъори соли 1401-ро "Тавлид; донишбунён; иштиғолофарин" эълом карда буданд.

20 March 2022

Ҳазрати оятуллоҳ Хоманаӣ-Раҳбари инқилоби исломӣ дар паёме ба муносибати оғози соли 1401, соли ҷадидро соли «Тавлид; донишбунён, иштиғолофарин» номгузорӣ карданд.


Раҳбари инқилоби исломӣ дар паёме ба муносибати оғози соли 1401, соли ҷадидро соли «Тавлид; донишбунён, иштиғолофарин» номгузорӣ карданд.

Матни паёми Раҳбари инқилоби исломӣ ба шарҳи зер аст:

Бисмиллоҳир-раҳмонир-раҳим Алҳамдуллоҳи Рабилоламин ва Саллаллоҳу ало Муҳаммадин ва ало Оли тоҳирин, сийямо Бақиятиллоҳи фил арзин

Ё Муқаллибал қулуби вал абсор, ё Мудаббирал лайли ван-наҳор, ё Муҳаввилал ҳавли вал-аҳвол,ҳаввил ҳолано ило аҳсанил ҳол!

Табрик арз мекунам иди Наврӯз ва оғози Соли нав ва табиати нав ва рӯзи наву рӯзгори навро, ки имсол мусодиф аст бо айёми нимаи Шаъбон, ки мутаъаллиқ аст ба хуршеди фурӯзони олами вуҷуд, ҳазрати Бақиятиллоҳ (арвоҳуно фидо).

Табрик арз мекунам ба миллати бузурги Эрон ва ба ҳамаи миллатҳои ҳамдилу ҳамсон. Ба таври хос табрик арз мекунам ба хонаводаҳои муаззами шаҳидон, хонадонҳои сабуру арзишманд, ки иншоаллоҳ Худованд сояи ин хонаводаҳои муаззамро аз сари миллати Эрон, аз сари мо кӯтоҳ накунад ва ҳамчунин ба ҷонбозони азизу хонаводаҳои богузашту сабури онҳо ва ҳамчунин ба исоргарону хидматгузорони самимии миллати Эрон дар майдонҳои мухталиф; чӣ дар майдони саломат, чӣ дар майдони амният, чӣ дар майдони муқовимат, чӣ дар майдони илм; ва ба ҳамаи ин азизон табрик арз мекунам, ин рӯзи ширину Иди муборакро.

Соли дигаре ҳам гузашт . Соли 1400 ҳам ба поён расид; бо ҳамаи шириниҳову талхиҳо ва фарозҳову фурӯдҳо, ки дар зиндагӣ табиӣ аст. Зиндагӣ маҷмӯъае аз ҳамин фарозу фурӯдҳо ва шириниҳову талхиҳост. Ишора кунам ба чанд авҷ аз ҳаводиси миллати Эрон, чанд фароз, чанд ширинии бузург, ки яке аз онҳо масаълаи интихобот буд. Интихоботи ҳақиқатан муҳим буд, бузург буд. Дар айни шиддати бемории ҳамагири корона дар авоили соли 1400 мардум омаданд пои сандӯқҳои раъй ва раъй доданд. Хеле муҳим аст. Дар ҳоле ки иҷтимои ду нафар дар як нуқта хатарнок буд. Он рӯзҳое ,ки мо садҳо нафар дар рӯз талафот доштем; шояд панҷсад, шашсад ва шояд ҳам бештар. Дар як чунин шароите интихобот баргузор шуд. Мардум омаданд ширкат карданд ва хуб давлати тозанафас ба майдон омад, ки он тавре ки қароин нишон медиҳад давлати мардумӣ ва алоқаманд ба ҳаракатҳо ва ҳадафҳои мардумӣ ва дорои ҳатти ҷудогонае ғайр аз давлати муҳтарами қаблӣ, дар ҳоли ҳаракат ҳастанд ва умедҳоеро дар мардум зинда кардаанд, Биҳамдулиллоҳ.

Ин яке аз фарозҳо ва авҷҳои ҳаводиси миллати Эрон буд. Як мавриди дигар муқобилаи ҷиддӣ бо бемории ҳамагири корона буд, ки ба маънои воқеии калима мубориза шуд, муқобила шуд. Талафоти ин бемории хатарнок аз рӯзе чандсадтоӣ расид дар як бурҳае ба рӯзе бист то, ҳаждаҳ то масалан; ба инҷоҳо расид . Агарчӣ боз як миқдоре боло рафта, аммо тафовути байни ин вазъияте ки хуб биҳамдулиллоҳ воксан дар ихтиёри ҳама қарор гирифт бо он вазъияти он рӯз тафовути зиёде аст. Як авҷи дигар пешрафти илму фанноварӣ буд. Тавлиди чанд навъи воксан дар кишвар, ки баъзе мавриди таъйиди ҷаҳонӣ ҳам қарор гирифт ва ҳаракатҳои мухталифи илмӣ ва фаннӣ аз воксан бигиред то моҳвора; дар ҳамаи ҷиҳот биҳамдулиллоҳ кишвар корҳои муҳимме дошт. Инҳо авҷҳои бузурги соли 1400 буд.

Дар дохили кишвар ҳаводиси гӯногӯни дигаре ҳам буд . Шириниҳои дигаре ҳам буд . Дар арсаи ҷаҳонӣ ҳам ҳамин тавр. Яке аз муҳимтарин ҳаводиси ширини соли 1400 ин буд, ки амрикоиҳо дар ҳамин авохир албатта омаданд эътироф карданд ба забон худашон гуфтанд, ки мо дар фишори ҳаддиаксарӣ алайҳи Эрон шикасти хиффатбор(шармандавор) хӯрдем. Таъбири «хиффатбор»-таъбири худи амрикоиҳост. Ҳодисаи муҳимме аст. Миллати Эрон пирӯз шуд. Миллати Эрони тавфиқ пайдо кард.

Ҳеҷ кас наметавонад инро ба худаш нисбат бидиҳад. Истодагии миллати Эрон ба як чунин пирӯзии бузурге расид. Ҳаводиси мутаъаддиди дигаре ҳам рух дод ; чӣ дар наздикии мо, чӣ дар дурдастҳо ки ҳама собит кард дурустии роҳи миллати Эрон дар муқобили истикборро. Нишон дод ки роҳи дуруст ҳамин роҳе аст, ки миллати Эрон дар муқобили истикбор дорад ҳаракат мекунад. Хуб инҳо шириниҳо буд. Талхиҳое ҳам доштем, ки аз байни ҳамаи талхиҳо онеро, ки аз ҳама ба назари ман сахттар ва муҳимтар аст арз мекунам ва он тангии маишати мардум; масъалаи гарониҳову таваррум ва ин чизҳо буд, ки хуб бояд ҳатман илоҷе бишавад. [Инҳо] чизҳои илоҷпазире аст, мушкилоти иқтисодӣ аст, ки мо имсол умедворем бахше аз инҳо бартараф бишавад, чун ҳамаи инҳо дафъатан бартараф намешавад, ба тадриҷ бартараф хоҳад шуд. Ин ки одам аҷала кунад бигӯяд на хайр ба ҳамин зудӣ, воқеъбинона нест.

Локин иншоаллоҳ умедворем баъзе аз инҳо дар тӯли 1401, ки соли аввали қарн ҳам ҳаст, қарни понздаҳуми ҳиҷрии шамсӣ иншоаллоҳ бартараф бишавад. Мо дар солҳои гузашта ҳар сол як унвонеро бо номи шиори сол матраҳ кардем барои инки масъулин умдатан қувваи муҷрия ва дар ҳошияи он қувваи муқаннана ва қувваи қазоия ва ҳамчунин оҳоди мардум он ҷое, ки ба мардум иртиботи мустақим пайдо мекунад дар ин ҷиҳат ҳаракат бикунанд .

Дар баъзе аз солҳо тавфиқоти хубе ҳам дар ин замина ба даст омада. Баъзе ҷоҳо ҳам албата дар баъзе солҳо камкориҳое вуҷуд дошта, ки дар соли 1400 мо масъалаи тавлид, монеъзудоиҳо ва пуштибониҳоро матраҳ кардем. Корҳои хубе ҳам нисбатан анҷом гирифта, ки боз ҳам идома дорад ва боистӣ идома пайдо кунад.

Дар ин чандсола банда барои шиори сол «тавлид»-ро умдатан меҳвар қарор додам бо як қайде, бо як хусусияте. Иллат ҳам ин аст, ки тавлид калиди ҳалли мушкилоти иқтисодии кишвар аст. Тавлиди миллӣ дар воқеъ роҳи аслии гузар аз сахтиҳову душвориҳои иқтисодӣ барои кишвар аст. Яъне муҳимтарин масоили иқтисодии кишварро масъалаи тавлид, ривоҷи тавлиди миллӣ ва равнақи тавлиди миллӣ ҳал мекунад. Табиати тавлид ин аст. Ин аст ки мо рӯйи тавлид такя кардем; яъне рушди иқтисодиро афзоиш медиҳад, иштиғол(касбу кор) эҷод мекунад, таваррумро коҳиш медиҳад, даромади саронаро афзоиш медиҳад, рифоҳи умумӣ эҷод мекунад.

Илова бар ин дорои таъсироти равонӣ аст; эътимод ба нафаси миллиро боло мебарад, эҳсоси иззатмандиро дар миллат ба вуҷуд меоварад. Тавлид як чунин иксире аст. Як чунин ҳодисаи муҳимме аст-тавлиди миллӣ, ، агар иншоаллоҳ ба беҳтарин ваҷҳ пеш баравад; аз ин рӯ мо дар ин чанд сол рӯйи масаълаи тавлид такя кардем. Бетаъсир ҳам набуд, биҳамдулиллоҳ таъсироти хубе ҳам дошт.

Имсол ҳам ман тавлидро мехоҳам матраҳ кунам. Мунтаҳо як лояи ҷадид, як чеҳраи ҷадид аз тавлидро мехоҳам матраҳ кунам ва он иборат аст аз тавлиде ки дорои ду хусусият бошад: яке инки иштиғолофарин бошад, яке инки донишбунён бошад. Тавлиди донишбунён-муттакӣ ба дониш, дониши ҷадиду пешрафтҳои илмӣ ва тавлиде ки иштиғолофарин бошад.

Албата ҳамаи тавлидҳо иштиғолофарин аст; мунтаҳо баъзе аз тавлидҳо бо инки сармоягузориаш анбуҳ аст, иштиғолофариниаш ончунон нест,локин баъзе на-иштиғолофарин аст, ки ҳоло ман иншоаллоҳ тавзеҳи инҳоро дар суханронии фардо то ҳудуде арз хоҳам кард. Агар чунончи мо тавлиди донишбунёнро меъёр қарор бидиҳем ва ба дунболи тавлиде биравем ки донишбунён бошад бо хусусиёте, ки арз хоҳам кард иншоаллоҳ дар суханронии рӯзи аввали сол ба назарам мерасад, ки мо дар ҳамаи ин ҳадафҳои иқтисодиамон як такони хуб, як ҳаракати рӯ ба пеши маҳсусе иншоаллоҳ хоҳем дошт. Масаълаи иштиғолофаринӣ ҳам ҳамин тавр; бинобарин имсол мо шиорамон иборат шуд аз ин: «Тавлид; донишбунён, иштиғолофарин». Ин тавлид аст .

Албата ман дархости муаккад дорам, соли гузашта ҳам инро гуфтам, ки иктифо накунанд дӯстон ба инки ҳоло рӯйи коғазҳои сарбаргҳои дастгоҳҳои гӯногӯн бинависанд ин иборатро ё масалан фарз кунед ки як тоблу дуруст кунанд дар хиёбон масалан бизананд; инҳо кор нест . Умда инаст ки ба маънои воқеии калима рӯйи ин сиёсатгузорӣ бишавад. Албата ин давлат бо вазъе ки ман мушоҳида мекунам, бо таҳарруке ки раиси ҷумҳӯри муҳтараму ҳамкорони эшон доранд,иншоаллоҳ пешрафт хоҳад кард. Яъне ин шиор рӯйи замин нахоҳад монд ба тавфиқи Илоҳӣ. Локин ҳарчӣ бештар кор бишавад, бештар талош бишавад,беҳтар хоҳад буд.

Умедворем иншоаллоҳ, ки Худои мутаъол барои миллати азизи Эрон дар ин сол, дар ин ид, дар ин фурсати муғтанами яксола хайр ирода бифармояду мардумро хурсанд кунад, зиндагиҳоро иншоаллоҳ ширин кунад, мардумро дилшод кунад ва арвоҳи тайибаи шуҳадои азизамон, рӯҳи мутаҳҳари Имоми бузургворамон, Имоми роҳил (ризвонуллоҳи алайҳ) иншоаллоҳ шод бошад ва салому иродату ихлоси ҳамаи моро ба хоки пои Бақиятиллоҳил-аъзам (арвоҳуно фидо) иншоаллоҳ,Худои муттаъол бирасонад.

Вассалому алайкум ва раҳматуллоҳи ва баракотуҳ

6 March 2022

Раҳбари муаззами инқилоби исломӣ пас аз кошти ду ниҳоли мева ба муносибати рӯзи дарахткорӣ бар лузӯми тавсеаи энержиҳои пок таъкид карданд .


Имом Хоманаӣ, Валии амри мусалмонони ҷаҳон рӯзи якшанбе бо таъкид бар лузӯми тавсеаи энержиҳои пок гуфтанд: “Тавсеаи энержиҳои ғайрифусилӣ монанди энержии ҳастае, ки истифода аз он дар дунё рӯзафзӯн аст ва кишварҳои минтақаи мо низ дар ҳоли ҳаракат ба самти он ҳастанд ва низ энержиҳои бодӣ ва хуршедӣ бояд ҷиддӣ гирифта шавад.”

Имом Хоманаӣ кошти дарахтро як ҳаракати комилан динӣ ва инқилобӣ хонданд ва афзуданд : “Албатта нигаҳдошту ҳифзи дарахтон низ кори бисёр муҳимме аст, ки бояд риоят шавад.”

Валии амри мусалмонони ҷаҳон, гиёҳи зиндаро осоишбахши рӯҳу нигаҳдорандаи ҷисми инсон ва манбаи ризқи худододӣ ва ҳамаҷониба барои башар донистанд ва таъкид карданд : Ба ҳамин иллат тахриби ҷангалҳо ва муҳити зисту пӯшишҳои гиёҳӣ, тахриби манофии миллӣ асту вайрон кардани бахше аз ҷангалҳо барои сохту соз ҷуз дар мавориди изтирорӣ қатъан ба зарари миллат аст .

Оятуллоҳ Хоманаӣ бо радди нигоҳи тазйинӣ ва ҳошияӣ ба муҳити зист, ин мавзӯро аз ҷумлаи асоситарин масоили Эрон баршумурданд ва гуфтанд : Яке аз корҳои ҷаддӣ дар ҳифозат аз муҳити зист ҳифозат аз ду сарвати азим ва захираи ҳаётии миллатҳо яъне « об » ва « хок » ва парҳез аз бархурди масрафона бо онҳо аст, ки дар ин замина масъулон бояд ба роҳнамоиҳои мутахассисон тавваҷуҳ кунанд .

«Ҳифозат аз ҳаёти ваҳш (ҳайвонот)» масаълаи дигаре буд ки эшон бетаваҷҷуҳӣ ба онро ба зарари манофии миллӣ донистанд ва гуфтанд : Дар ислом шикор фақат дар сурати ниёз ба тағзия муҷоз аст ва дар ғайри ин сурат ғайримуҷоз ва хилоф аст ва ҳатто сафари шикорӣ сафари ҳаром шумурда шудааст ، Бинобарин бояд ҷилавгирӣ аз шикори ғайриқонуниро ҷиддӣ гирифт ва ба мавзӯи ҳифзи ҳаёти ваҳш иҳтимом дошт .

Имом Хоманаӣ дар идома Созмони муҳит зист ва Вазорати ҷиҳоди кишоварзии Эронро муваззаф ба ҷилавгирӣ аз табдили заминҳои кишоварзӣ донистанд ва афзуданд : “Ин кор ба зарари манофии миллӣ аст ва заминҳои кишоварзӣ бояд тавсеа пайдо кунад.”

Эшон мардумро ба кошту нигаҳдошти дарахтон фаро хонданд ва гуфтанд: “Анҷоми ҳамаи корҳои муҳим ниёзманди пуштвонаи миллӣ аст ва дарахткорӣ низ аз ҷумла корҳое аст, ки ҳама мардум метавонанд бо коштану ҳифзи дарахтон ва ҷилавгирӣ аз маҳви дарахтону боғҳои атрофу даруни шаҳрҳо ба густариши пӯшиши гиёҳӣ дар кишвар кумак кунанд .”

Валии амри мусалмонони ҷаҳон, ҳамчунин бо табрики рӯзи валодати босаодати ҳазрати Имом Ҳусайн алайҳис-салом,набераи поки Паёмбар(С) ба миллати Эрон, он вуҷуди шарифро конуни ишқи миллати Эрон ва ҳамаи миллатҳои мусулмон иборат аз шиъа ва ғайришиъа донистанд.

13 March 2022

Валии амри мусалмонони ҷаҳон, дар паёме ба нишасти Иттиҳодияи анҷуманҳои исломии донишҷӯён дар Аврупо бар лузӯми шинохти ҷабҳабандиҳо ва интихоби мавзеи дурусту омодагии нақшофаринӣ ба сӯди ҷабҳаи ҳақ таъкид карданд .


Имом Хоманаӣ, дар паёме ба 56-умин нишасти Иттиҳодияи анҷуманҳои исломии донишҷӯён дар Аврупо бо ишора ба таҳаввулоти сиёсӣ ва низомии ахир бар шинохти шинохти ҷабҳабандиҳо ва интихоби мавзеи дурусту омодагии нақшофаринӣ дар таҳаввулот ба сӯди ҷабҳаи ҳақ таъкид карданд .

Дар матни паёми Валии амри мусалмонони ҷаҳон омадааст : Донишҷӯёни азиз рӯйдодҳои сиёсӣ ва низомӣ дар ин рӯзҳо ташкилдиҳандаи бахше аз ҳамон печи торихии ҷаҳон аст, ки гумони он рафта буд .

Оятуллоҳ Хоманаӣ дар паёми худ таъкид карданд: Нухбагону зубдагони миллати бузурги мо дар ин марҳала ҳомили масъӯлиятҳои вижаанд.

Раҳбари муаъаззами инқилоби исломӣ хотирнишон карданд: “Шинохти ҷабҳабандиҳо ва сафороиҳо ва интихоби мавзеи дуруст, масъӯлияти кӯтоҳмуддат ва омодагӣ барои нақшофарӣнӣ дар таҳаввулот ба сӯди ҷабҳаи ҳақ,вазифаи миёнмуддати онон аст.”

Эшон дар паёми худ афзуданд : “Шумо ҷавонони азиз метавонед дар ҳар ду бахш бидурахшиду умед ба анҷуманҳоеро,ки музайян ба номи мубораки Ислом аст, борвар намоед.”

10 March 2022

Раҳбари муаззами инқилоб: Кутоҳ омадан дар муқобили Амрико, хатои бузург ва зарба ба қудрати сиёсӣ донистанд.


Имом Хоманаӣ, Валии амри мусалмонони ҷаҳон субҳи панҷшанбе дар дидор бо раис ва аъзои Маҷлиси хубрагони раҳбарӣ кутоҳ омадан дар муқобили Амрико ё ҳар қудрати дигарро барои дар амон мондар аз таҳрим, хатои бузург ва зарба ба қудрати сиёсӣ донистанд ва афзуданд: Содалавҳонатар ва ношиёнатар аз пешниҳоди касе, ки мегуяд қудрати дифоъиро барои ҳасос нашудани душман коҳиш диҳем, вуҷуд надорад.

Валии амри мусалмонони ҷаҳон қудрати миллиро амри мураккаб ва маҷмуъаи ба ҳам пайваста хонданд ва дар баёни аркони он афзуданд: Илм ва фановарӣ ва тафакур ва андешаварзи ва озодфикрӣ ҷузъи аркони қуввати миллӣ аст ва агар озодфикрӣ ва пешрафти фикрӣ набошад, илм ва фановарӣ роҳгушо нест.

Эшон "Амният ва қудрати дифоъӣ", "Иқтисод ва рифоҳи умумӣ ва осудагии маъишати мардум", "Қудрати сиёсатварзӣ ва чоназанӣ барои таъмини манофеъи миллӣ дар арсаи минтақа ва ҷаҳон", "Фарҳанг ва равиши зиндагӣ" ва "Мантиқи ҷаззоб ва таъсиргузор бар дигар миллатҳо"-ро аз дигар бозуҳои қудрати миллӣ хонданд ва гуфтанд: Ҷазби миллатҳо барои ҳар кишвар умқи роҳбурдӣ эҷод мекунад, ки бисёр муҳим аст.

Имом Хоманаӣ таъкид карданд: “Агар ба касоне, ки мехостанд бархе бозуҳои қудрати миллиро қатъ кунанд, иҷозаи ин корро дода мешуд Эрони имрӯз бо хатароти бузург ру ба ру буд, ки бо ирода ва инояти Худованд имкони амалӣ шудани ин пешниҳодҳо ба вуҷуд наёмад.”

Эшон бо зикри чанд мисдоқ дар ин замина пешниҳодҳои мисли сарфи назар кардан аз ҳузури минтақавӣ барои надодани баҳона ба дасти душман ва ё инсироф аз пешрафти илмӣ дар заминаи ҳастаиро зарба ба қудрати миллӣ хонданд ва афзуданд: "Ҳузури минтақавӣ ба мо умқи роҳбурди ва қуввати бештари миллӣ медиҳад чаро, аз он сарфи назар кунем? Пешрафти илмии ҳастаӣ ҳам ба таъмини ниёзҳои кишвар дар ояндаи наздик марбут мешавад ва агар сарфи назар кунем, чанд сол баъд пеши чи кас ва ба куҷо даст дароз кунем?".

Имом Хоманаӣ истеҳкоми низомро мунҷар ба қудрат ва қуввати миллӣ донистанд ва гуфтанд: Қудрати миллӣ барои ҳар кишваре ҳаётӣ аст ва ҳар миллате агар истиқлол, сарафрозӣ, истифода аз манобеъи ҳаётӣ бар мабнои иродаи худ ва истодагӣ дар муқобили хостаҳои дигарон мехоҳад бояд қавӣ бошад.

Валии амри мусалмонони ҷаҳон бо баёни унсури маҷмуъаи ба ҳам пайвастаи қудрат ва қуввати миллӣ, масъалаи маъишату равон будани масоили муртабит бо мардумро муҳим хонданд ва бо ишора ба ҷанги нарми сахту сангини душманон барои иғво ва асаргузорӣ бар мардум ва хавос афзуданд: Илоҷи ин ҷанги печида, ҷиҳоди табйин бо "равишҳои навини нармафзорӣ ва муттакӣ бар маъориф ва мафоҳими амиқ ва олияи Ислом аст".

Эшон иғвои хавосро бо ҳадафи ниҳоии иғвои мардум, дастури кори муҳими душманон баршумурданд ва гуфтанд: Мустакбирони ҷаҳон дар сангинтарин ҷанги нарми таърих бо миллати Эрон дар сададанд касонеро, ки унвон, имкон ва аҳёнан савод доранд иғво кунанд то онҳо тудаҳои мардумиро фиреб диҳанд ва аз ҳақиқат ва воқеъият дур созанд.

Раҳбари муъаззами инқилоби исломии Эрон "Муздурпарварӣ, ҳаромхорсозӣ, таҳдид ва татмиъ"-ро ҷузи равишҳои мухталифи душман хонданд ва афзуданд: Ин ҷанги нарми сангин албатта нишондиҳандаи қавӣ шудани зерсохтҳо ва имконоти ҷабҳаи ҳақ аст, ки чолиш бо ҷабҳаи ҳақро душвор кард ва душманро ба ҷанги нарм барои тахриби зеҳнҳои мардум кашонда аст.

Имом Хоманаӣ, ҳамчунин Маҷлиси Хубрагонро дорои нақшофаринии муҳим дар мустаҳкам шудани низоми исломӣ хонданд ва афзуданд: Шарти таъсиргузори ҳамаи ниҳодҳои қонунӣ аз ҷумла Маҷлиси хубрагон амал бар асоси вазоиф ва ҳудуде аст, ки Қонуни асосӣ барои онҳо мушаххас карда аст.

1 March 2022

Валии амри мусалмонони ҷаҳон гуфтанд: “Амрико як режими мафияӣ аст, Украина ҳам қурбонии сиёсатҳои Амрико аст.”


Имом Хоманаӣ, Валии амри мусалмонони ҷаҳон, имрӯз сешанбе дар солрӯзи Иди Мабъас дар суханони телевизионӣ афзуданд: “Режими Амрико намунаи комили ҷоҳилияти модерн аст; ин режим, режиме буҳронзо ва буҳронзист аст ва аз тариқи эҷоди буҳрон дар дунё иртизоқ мекунад.”

Эшон фармуданд: “Амрико бо вуруд ба масоили Украина ва роҳандохтани иҷтимооту эҷоди кудатои рангӣ суботи ин кишварро баҳам зад.”

Имом Хоманаӣ гуфтанд: “Мо албатта бо ҷангу тахриб дар ҳар ҷои дунё мухолифем. Ин ҳарфи собити мост. Мо бо кушта шудани мардум, бо тахриби зербиноҳои миллатҳо таъйид намекунем дар ҳар ҷои дунё, ки иттифоқ биафтад. Мо мисли ғарбиҳо нестем, ки чунончӣ бомбро сари корвони арусӣ дар Афғонистон биандозанд ва арусиро ба азо табдил кунанд, инро мубориза бо тероризм бидонем ва ҷиноят нест. Инҳо мантиқашон ин шаклӣ аст. Дар Афғонистон дар Ироқ Амрико дар шарқи Сурия чӣ мекунад. Чаро нафти Сурия ва пули сарвати миллии Афғонистонро медузданд ва ғасб мекунанд?!”

Валии амри мусалмонони ҷаҳон таъкид карданд: “Мо дар Украина тарафдори таваққуф ҷанг ҳастем ва мехоҳем ҷанг дар онҷо тамом шавад мунтаҳои алоҷи ҳар буҳроне сирфан дар сурате мумкин аст, ки решаи буҳрон шинохта шавад. Решаи буҳрон дар Украина сиёсатҳои Амрико ва ғарбиҳост. Инҳо решаи буҳрон аст. Инҳоро бояд шинохт ва бар асоси инҳо қазоват ва доварӣ кард ва агар аҳли иқдом будем, иқдом кард.”

Имом Хоманаӣ фармуданд: “Ҳамаи чизҳо дар дунёи имрӯз барои фарбеҳ шудани компаниҳо ва корталҳост, ҳамчунин аз илм барои куштори одамҳо истифода мешавад; якҷо бо истифода аз ин илм, воксан месозанд, ки ҷони инсонҳоро наҷот медиҳад ва як ҷои дигар барои сохти силоҳ аз он истифода мекунанд, ки даҳҳо баробари он касоне, ки наҷот ёфтаандро аз байн мебарад.”

Эшон, «мардум»-ро муҳимтарин пуштвонаи давлатҳо хонданд ва афзуданд: Агар дар Украина мардум вориди майдон мешуданд, вазъи давлат ин гуна намешуд, аммо чун мардум давлатро қабул надоштанд ворид нашуданд. Ҳамчунон ки мардум дар замони ҳамлаи Амрико ба Ироқ дар даврони Саддом ба майдон наомаданд, аммо ҳамин мардум дар муқобили ҳамлаи ДИИШ ба майдон омаданд ва бо саркӯби он хатари бузург, ДИИШ-ро ба ақиб ронданд.

Имом Хоманаӣ, мардумро омили аслии истиқлоли кишварҳо хонданд ва бо ишора ба таҷрибаи ширини миллати Эрон дар ғалаба бар душмани баъсӣ, ки муттакӣ ба ҳимояти ҳамаи қудратҳо буд, гуфтанд: Бояд бо чашми боз ва андеша ва амали дуруст, битавон аз ибратҳои бузург баҳра гирифт.

17 February 2022

Имом Хоманаӣ, панҷшанбе дар остонаи солрӯзи қиёми таърихи мардуми Табрез дар 29 баҳмани соли 1356 дар иртиботи видеоӣ бо ҷамъи аз мардуми устон Озарбойҷони Шарқӣ, гуфтанд: Муқовимати ру ба рушди минтақа убуҳати истикборро дар ҳам шикаст ва забони милатҳоро дар муқобили Амрико кушода аст, ки бояд ин неъматро бо идома доштани инқилоб, қадр бидонем.


Раҳбари маззами инқилоби исломӣ афзуд: Ҳадафҳои инқилоб пешрафтҳои воқеъи ва ҳамаҷонибаи модӣ ва маънавӣ, таҳақуқи адолати иҷтимоъӣ, иқтидори кишвар, ташкили ҷомеъаи исломӣ ва дар ниҳоят шаклгирии тамадуни бузург ва навини исломӣ аст.

Имом Хоманаӣ энержии сулҳомези ҳастаиро аз дигар ниёзҳои асосии оянда хонданд ва гуфтанд: Иллати такяи ҷабҳаи душман бар рӯи масъали ҳастаии Эрон ва эъмоли таҳримҳои золимона бо вуҷуди итилои онҳо аз истифодаи сулҳомези мо ва баёни ҳарфҳои муҳмал монанди фосилаи наздикии Эрон бо силоҳи атоми, пешгири аз пешратфҳои илмии кишвар барои рафъи ниёзи ояндаи Эрон аст.

Валии амри мусалмонони ҷаҳон, бо ишора ба пешрафтҳои ҳайратовари илмӣ дар бахшҳои мухталиф ва изъони марказҳои ҷаҳонӣ ба суръати рушди илмии Эрон чандин баробари миёнгини ҷаҳонӣ, хотирнишон карданд: Инқилоб ҳамчунин сабаби пешрафтҳои шигифтовар дар зерсохтҳои асосӣ монанди роҳ созӣ, сад созӣ, об расонӣ, барқ расонӣ ва хадамоти саломати пизишки низ шуд, ки агар инқилоб ва ҳаракати ҷиҳоди набуд қатъан ин пешрафтҳо ба даст намеомад.

Эшон бо ишра ба қазовати марказҳои ҷаҳонӣ дар бораи беҳуби шохисаҳои иқтисодии Эрон пас аз инқилоб гуфтанд: Ба гузориши марказҳои иқтисодии маъруфи дунё, пешрафтҳои бузурге эҷод шуда аст зимни ин ки дар худкифоӣ бисёре аз маҳсулот ва афзоиши эътимод ба анфси тавлид кунандаи дохилӣ пешрафтҳои муҳими доштаем.

Имом Хоманаӣ, хотирнишон карданд: Душман имрӯз афкори умумӣ ба вижа фикру зеҳни ҷавонҳоро ҳадаф гирифта аст то бо харҷ кардани миллиарҳо доллар ва бо тароҳиҳои мухталиф дар утоқҳои фикрияшон, битавонанд миллати Эрон ва ба хусус ҷавононро аз масири инқилоб баргардонанд.

Эшон, фишори иқтисодӣ ва амалиёти расонаиро ду абзори аслии истикбор барои ҷудо кардани мардум аз низом ва дасткори дар фикри онҳо баршуморданд ва гуфтанд: “Дуруғпардози ва туҳматзанӣ ба аркони инқилоб ва марказоҳое, ки дар пешрафти инқилоб таъсир доранд, шиваҳое аст, ки дар амалиёти расонаи истифода мешавад.”

Валии амри мусалмонони ҷаҳон, тӯҳматзани ба Маҷлис, Шӯрои Нигаҳбон, Сипоҳ ва шаҳиди бузургавор сардор Сулаймониро намунаҳои аз ин бадномсози хонданд ва хотирнишон карданд: Онҳо агар аз хашми мардум наметарсиданд, ба Имом Хумайнӣ(р) ҳам туҳмат мезаданд аммо ҷурати ин корро надоранд.

13 February 2022

Имом Хоманаӣ дар паёме бо ибрози хурсандӣ аз иқдоми ифтихорофарини тавлидкунандагони навиштафзори эронӣ, тавлиди бо кайфияти ин маҳсулро барои ҳар кишваре мояи ифтихор донистанд.


Матни паёми Валии амри мусалмонони ҷаҳон, ки субҳи имрӯз дар маросими посдошти ҷараёни навитафзори эронии исломӣ мунташир шуд ба ин шарҳ аст:

Бисмиллоҳи Раҳмони Раҳим

Навиштафзор, дар шумори колоҳои ҳаётӣ барои имрӯз ва фардои ҳар кишвар аст, тавлиди бо кайфияти он низ барои кишвари тавлидкунанда мояи ифтихор аст, аз ин ки маҷмуъаҳое дар кишвари мо бар ин иқдоми ифтихорофарин ҳиммат гумошта ва гомҳои мувафақиятомез бардоштанд, хурсандам ва пойдории онҳо дар ин роҳро аз Худованди мутаъол масалат мекунам.

Тавфиқотатон мустадом бод иншоаллоҳ.

25 January 2022

Баёноти Валии амри мусаомонони ҷаҳон дар дидори дастандаркорони ҳамоиши ҳазрати Ҳамза (а), ки дар санаи 25-уми январи 2022 баргузор шуда буд, субҳи имрӯз (панҷшанбе) дар маҳалли баргузории ин ҳамоиш дар Қум мунташир шуд.

Имом Хоманаӣ дар ин дидор бо ташаккур аз бузургдошти ҷаноби Ҳамза (амаки Паёмбари бузургвори ислом), манобеъи илмӣ ва таҳқиқии ин ҳамоишро заминаи муносибе барои фарҳангсозӣ ва улгӯсозӣ аз он шахсияти бузурги ислом донистанд ва гуфтанд: “Бо вуҷуди нақши барҷастаи ҷаноби Ҳамза дар торихи ислом ба вижа дар ҳиҷрат ба Мадина ва рашодати ӯ дар ҷангҳои бо куффор, аммо ин шахсияти арзишманд ғариб аст ва бояд аз зиндагии ин бузургвор ва дигар саҳобаи барҷаста аммо ношинохтаи Паёмбар ҳамчун Аммор, Салмон, Миқдод ва Ҷаъфар ибни Абитолиб дар қолабҳои ҳунарӣ ва намоишӣ тасвирсозӣ шавад.”

Эшон ҳадафи Паёмбари Акрам (с) аз маъмур кардани занони мадина ба гиря бар ҷаноби Ҳамза пас аз шаҳодат ва муаррифии ӯ ба унвони Сайидуш-шуҳадоро, улгӯсозӣ аз ин шахсияти шуҷоъ ва фидокор барои ҳамешаи торих ва ҳамаи мусалмонон донистанд ва хотирнишон карданд: “Ду унсури муҳимми улгӯсоз дар шахсияти ҷаноби Ҳамза, “қудрати шинохт” ва “иродаи қавӣ ва азми росихи” ӯ аст.”

Имом Хоманаӣ бо ишора ба ривояте аз Амирул-мӯъминин, ҷаноби Ҳамзаро аз масодиқи “мӯъминони содиқ бар аҳди илоҳӣ” хонданд ва гуфтанд: “Марокизи ҳавзавӣ ва дастгоҳҳои таблиғӣ ҳиммати худро бар тарбияти шахсиятҳое қарор диҳанд, ки мисдоқи маорифи илоҳӣ ва аҳкоми исломӣ бошанд, чаро ки чунин шахсиятҳое қодир ба наҷоти ҷомеъа дар мавқеъҳои ҳассос ҳастанд ва бо вуҷуди онҳо ташкили тамаддуни исломӣ қатъӣ хоҳад буд.”

1 February 2022

Имом Хоманаӣ дар паёме даргузашт фақеҳи олимақом ва марҷаи басир, ҳазрати оятуллоҳ Оқоҳоҷӣ Шайх Лутфуллоҳи Софии Гулпойгониро таслият гуфтанд.

 

матни паёми Валии амри мусалмонони ҷаҳон ба ин шарҳ аст:

Бисмиллоҳир Раҳмони Раҳим

Бо таассуф хабари даргузашти фақеҳи олимақом ва марҷаи басир, ҳазрати оятуллоҳ Оқоҳоҷӣ Шайх Лутфуллоҳи Софии Гулпойгонӣ ризвонуллоҳи алайҳро дарёфт кардам. Эшон аз устувонаҳои ҳавзаи илмияи Қум ва аз барҷастагони илмиву амалӣ ва пурсобиқатарин олими динӣ дар он ҳавзаи муборак буданд.

Дар даврони марҳум оятуллоҳ Буруҷердӣ, дар шумори бартарин шогирди он устоди бузург, дар замони марҳум оятуллоҳ Сайид Муҳаммадризо Гулпойгонӣ ҳамроҳу мушовири илмиву амалии эшон ва дар даврони инқилоб амину мавриди эътимоди ҳазрати имом Хумайнӣ раҳималлоҳи алайҳим ба шумор мерафтанд.

Солҳо дар Шӯрои нигаҳбон рукни аслии он шӯро маҳсуб мешуданд ва пас аз он ҳам ҳамвора дар бораи масоили инқилобу кишвар дилсӯзонаву масъулона вуруд мекарданд ва борҳо инҷонибро аз назароту машваратҳои худ мутталеъ ва баҳраманди месохтанд. Қареҳаи шеърӣ, ҳофизаи таърихӣ, пардохтан ба масоили иҷтимоӣ аз дигар абъоди шахсияти ин олими куҳансолу бузургвор буд.

Реҳлати эшон барои ҷомеиаи илмии динии кишвар мояи таассуф аст. Инҷониб ба хонадони мукарраму фарзандони гиромии эшон ва низ ба мароҷеи муаззаму уламои эъломи ҳавзаи илмия ва муқаллидону иродатмандони эшон, бавижа дар Қум ва Гулпойгон таслият арз мекунам ва раҳмату мағфирати Илоҳиро барои эшон масъалат менамоям.

Сайид Алии Хоманаӣ

12 баҳмани 1400

30 January 2022

Валии амри мусалмонони ҷаҳон, дар дидори ҷамъе аз тавлидкунандагону фаъолони санъатӣ ҷиҳоди корофаринону коргарон дар сангари тавлидро муҷиби эътирофи Амрико ба шикасти ҷанги иқтисодӣ донистанд.


Имом Хоманаӣ, Валии амри мусалмонони ҷаҳон (якшанбе) дар дидори ҷамъе аз тавлидкунандагону фаъолони санъатӣ гуфтанд: Иттилои мардум аз муваффақиятҳои фаъолони иқтисодӣ аз забони худи ин афрод, барои муқобила бо ҷанги равонии душман муфид аст.

Валии амри мусалмонони ҷаҳон бо таъкид бар ин ки тарроҳиҳои душман барои фатҳи сангари тавлид бо шикаст мувоҷеҳ шуд, хотирнишон карданд: Дар ин таҳоҷум ба иқтисоди кишвар дар маишати мардум мушкилоте ба вуҷуд омад, аммо тавлид ба зону дарнаёмад ва сухангӯи Вазорати умури хориҷаи Амрико чанд рӯзи пеш сароҳатан эълом кард, ки сиёсати фишори ҳаддиаксарӣ ба шикасти хиффатбори Амрико мунҷар шуд.

Имом Хоманаӣ тавлидро «ҷиҳод» хонданд ва афзуданд: Истодагии тавлидкунандагон дар муқобили ҳамла ба иқтисод ва талоши душман барои мамониат аз фурӯши нафту газ, қатъи манобеи арзӣ ва барномарезӣ барои масдудсозии мубодилоти хориҷии Эрон, дар воқеъ ҷиҳод ва аз бузургтарин ибодатҳост.

Эшон гуфтанд: Онҳо фурӯпошии иқтисодии ба хаёли худашон чандмоҳаро заминае барои таҳаққуқи мақсадҳои сиёсии шум медонистанд, аммо пас аз даҳ сол сангари тавлиду иқтисоди кишвар биҳамдиллоҳ побарҷост.

Имом Хоманаӣ гуфтанд, ҷаҳиши тавлид бо беҳбуди шохисҳои иқтисодӣ ҳамчун иштиғоли пойдор, равнақи содирот, даромади арзӣ ва коҳиши нархи таваррумро ба дунбол дорад ва истиқлоли иқтисодиро, ки зомини иззату амнияти миллӣ ва афзоиши эътимод ба нафси миллӣ аст, ба дунбол меоварад.

Валии амри мусалмонони ҷаҳон афзуданд, бунгоҳҳо ва тавлидкунандагоне будаанд, ки мунтазири бардоштани таҳриму натоиҷи музокирот намонданд ва бо кору талош, ба намунаҳои муваффақе табдил шуданд.

Имом Хоманаӣ дар мавриди донишбунён шудани саноеи бузург низ таъкид карданд, бояд дар ин замина аз тавоноӣ ва дониши ҷавонони хушистеъдод истифода шавад, ҳамон тавр, ки дар ҳар ҷое аз воксани корона то мушаки нуқтазан, ки ба ҷавонон эътимод ва аз онҳо кор хоста шуд, воқеан дурахшиданд.

Пеш аз суханони Валии амри мусалмонони ҷаҳон 14 тан аз фаъолон аз бахшҳои мухталифи тавлид назарот ва дидгоҳҳои худро баён карданд.

27 January 2022

Вебинари бозхонии номаи Имом Хоманаӣ ба ҷавонони ғарбӣ бо ҳузури ширкаткунандагон аз Шветсария, Ҳоланд ва Италия дар Стокголм баргузор шуд.


Валии амри мусалмонони ҷаҳон дар соли 2015 ду нома ба ҷавонони ғарбӣ навиштанд, ки дар муҳтавои ин номаҳо шинохти бевосита ва мустақими Ислом матраҳ шудааст.

Ба муносибати фаро расидани солрӯзи судури номаи Имом Хоманаӣ хитоб ба ҷавонони ғарбӣ, 2 вебинари тахассусӣ тавасути ройзани фарҳангии Ҷумҳурии Исломии Эрон дар Стокголм барномарезӣ ва аввалин вебинар таҳти унвони бозхонии номаи Раҳбари муаззамин инқилоб ба ҷавонони ғарбиро бо ҳузури ширкаткунандагоне аз Шветсария, Ҳоланд ва Италия ва мушорикати донишгоҳиён, донишҷӯён ва фаъолони фарҳангии кишварҳои мухталиф баргузор шуд.

Ҳудо Аҳмадӣ, муҳаққиқ ва донишҷӯи мутолеоти динӣ аз Шветсария дар суханоне, ба фалсафаи судури нома ва заруриятҳои замонии он пардохт ва бо таҳлили шароит ва мавқеияти фарҳангӣ Ғарб онро бо номаи Имом Хумайнӣ (р) хитоб ба Горбачёв муқоиса кард ва зарфиятҳо ва таъсироти билқува ва заруриятҳои нозир ба нашри густардаи онро мавриди баҳс қарор дод.

Як фаъоли фарҳангӣ-мазҳабӣ ва дабири маркази исломии Тавҳиди Италия низ дар ин вебинар, шаклгирии гуруҳҳои террористии ДИИШ-ро ба унвони ҷилвае аз Исломи инҳирофӣ, тавтеа барои тахриби чеҳраи Ислом ва мусалмонон муарифӣ ва ин нома ва паёми онро роҳбурде барои муқобила ва хунсосозии ин тавтеа қаламдод кард.

Дар поёни ин нишаст Сайидзиё Ҳошимӣ, ройзани фарҳангии Эрон дар Стокголм ба таҳлили се меҳвари муҳим дар хуссуси ин нома, шомили муҳтавои нома, адабиёт ва мантиқи тадвин ва интихоби мухотабони он, яъне ҷавонони ҷомеаи Ғарб ва билохира тақозои замонӣ ва мавзуи судури ин нома пардохт.

23 January 2022

Ҳазрати оятуллоҳ Хоманаӣ, Валии амри мусалмонони ҷаҳон имрӯз ( якшанбе ) дар иди валодати ҳазрати Заҳро саломуллоҳи алайҳо дар дидор бо ҷамъе аз маддоҳону зокирони Аҳли байти алайҳимус-салом фармуданд : Ҳайат маҳали баён аст, маҳали баёни муҳимтарин мафоҳими маорифи исломӣ ва маорифи алавӣ ҳайат аст, маҳали посух ба суолҳо аст.


Имом Хоманаӣ дар идома таъкид карданд: “Имрӯз ҷавонҳои мо суол доранд, суолҳои гуногуне доранд, дар бораи сабки зиндагӣ суол доранд, дар бораи масоили усулӣ суол доранд, суол ҳам баҷост .Роҳи мувоҷеҳа бо суол андешидану посух додан аст.Ин кор бояд дар ҳайат анҷом бигирад, маркази муҳими ин кор ҳамин ҳайат аст.”

Эшон бо ишора ба таҳарруки васеъи душманони миллати Эрон барои ворунасозии афкор ва тахриби имон ва боварҳои мардум ба василаи анбӯҳи расонаҳо ва бо истифода аз ҳазорон мутахассиси ҳунар ва расона ва пуштибониҳои ҳангуфти молӣ ва амниятӣ, муҳимтарин арсаи ҷиҳодро арсаи “табйин ва рӯшангарӣ” донистанд ва таъкид карданд: “Дар муқобили ин ҳаракати шайтонӣ, ҳайъатҳо бояд аз худ савол кунанд, ки дар ҷанги беамони ҷабҳаи ҳаққу ботил, ва тақобули ривояти дурӯғ ва ҳақиқат дар куҷо қарор доранд ва чигуна ормонҳо ва мабонии аслии инқилобро густариш медиҳанд.”

14 January 2022

Валии амри мусалмонони ҷаҳон, таъкид карданд: “Муҳосибаи ғалати амрикоиҳо идома дорад, онҳо фикр мекарданд бо шаҳодати шаҳид Сулаймонӣ ҳаракате, ки ӯ намояндааш буд хомӯш хоҳад шуд, аммо бештар шуд.”


Валии амри мусалмонони ҷаҳон ( якшанбе 19 дейи 1400 ҳ.ш) дар солрӯзи қиёми торихии 19 даи 1356 мардуми Қум ва дар суханронии телевизиюнӣ тасреҳ карданд : “Муҳосибаи ғалати Амрико дар дастгоҳи муҳосиботишон идома дорад ва алъон ҳам ҳамин тавр аст.”

Эшон гуфтанд: “Алъон ҳам дар бораи масоили гуногун як муҳосибае мекунанд; намунааш ҳамин масаълаи тозаи боқимондаи шаҳодати шаҳиди азизмон, шаҳид Сулаймонӣ аст, чӣ фикр мекарданд, чӣ шуд? Онҳо фикр мекарданд бо аз байн бурдани шаҳид Сулаймонӣ наҳзату ҳаракати азиме, ки ӯ намояндааш буд, намӯдораш буд ва намодаш буд, ин хомӯш хоҳад шуд. Намебинед, ки бештар шудааст.”

Имом Хоманаӣ афзуданд: “Имсол дар солгарди дувуми шаҳодати шаҳид Сулаймонӣ ин ҳаракати азим, ин кори кӣ буд, дасти кӣ буд, инро кӣ метавонад иддао кунад, кӣ ин корро ман кардам, мо кардем, ҷуз кори қудрати Илоҳӣ ва дасти қудрати Илоҳӣ набуд дар Эрон ва дар кишварҳои ғайр, аз хориҷ аз Эрон.”

Раҳбари муаззами инқилоб таъкид карданд: “Омили наҷоти кишвар дар бизангоҳҳои мухталиф ғайрати динии миллати Эрон будааст, ғайрати динӣ аст, ки таҳдидҳоро ба фурсат табдил мекунад . Ишон дар иртиботи тасвирии мардуми Қум афзуданд : Азизони ман касоне ки ин суханро аз ин бандаи ҳақир мешунавед ғайрати диниро ҳифз кунед, омили наҷоти кишвар дар бизангоҳҳои мухталиф ғайрати динии миллати Эрон будааст.”

Ҳазрати оятуллоҳ Хоманаӣ хотирнишон карданд: “Ғайрати динӣ аст, ки таҳдидҳеро ба фурсат табдил мекунад. Як намунааш ҷанги таҳмилӣ-дифои ҳаштсола як таҳдиди бузург буд. Ғайрати динии мардум, ғайрати динии ҷавонҳо, ғайрати динии падарону модарон ва ҳамсарон мӯҷиб шуд, ки бираванд ҷавонҳои мо дар ин ҷабҳа ва ин ҷанги дарвоқеъ байналмиллалиро, ки Амрикои он рӯз, Шуравии он рӯз, НАТО-и он рӯз, иртиҷоъи минтақа дар он рӯз, ҳама бо ҳам ҳамдаст шуда буданд, ки Эронро шикаст бидиҳанду Имомро ба зонӯ дарбиёранд ва наҳзатро нобуд бикунанд, ҳамаи инҳоро шикаст дод ва тавонист пирӯз бишавад.”

Раҳбари муаззами инқилоби исломӣ тасреҳ карданд: “Миллати Эрон ба маънои воқеии калима зери тобути шаҳид Сулаймонӣ ҳуввияту ваҳдати худашро нишон дод.”

Имом Хоманаӣ афзуданд: “Шаҳодати ҳамин шаҳиди азизамон, сардор Сулаймонӣ воқеан як ҳодисаи торихии аҷиб шуд ҳеҷ кас фикр намекард дӯстон ҳам фикр намекарданд, ки инҷурӣ ин ҳодиса азимат пайдо кунад ва Худои мутаъол баракат ба ин ҳодиса бидиҳад, ки битавонад ҳуввияти динӣ ва инқилобии мардумро ҷилави чашми ҳама қарор бидиҳад ва ҳама бибинанд, ки ба маънои воқеии калима зери тобути шаҳид Сулаймонӣ миллати Эрон ҳуввияту ваҳдати худашро нишон дод.”

Эшон афзуданд: “Ин ҳаракати азими миллати мусулмонро ин нишон дод, ин ҳодиса - ҳодисаи азиме буд; яъне шаҳодати як шахсияти бузурге мисли шаҳид Сулаймонӣ аз назари душман ва аз назари ҳама як таҳдид маҳсӯб мешуд, аммо ин таҳдидро ғайрати миллат, миллати мусулмон, миллати Эрон табдил кард ба фурсат. Як фурсате шуд.”

Валии амри мусалмонони ҷаҳон таъкид карданд: “Ғайрати динӣ дар он ҷое, ки худашро нишон медиҳад ва таъсиргузор аст, ҳамроҳ бо ақлоният ҳаст ва ғайрати динӣ асосан ношӣ аз басират аст, ки басират як шуъбае аз ақлоният аст ва нишондиҳандаи умқи диндорӣ аст ва дар ағлаби маворид ин ғайрати динӣ вақте Шумо нигоҳ мекунед мебинед ки бо он ақлоният ҳамроҳ аст . Ҳазрати оятуллоҳ Хоманаӣ хотирнишон карданд: Шахсиятҳое ки бештарин ғайрати диниро доранд инҳо ғолибан дорои ақлонияти боло ҳастанд; намунааш шахси Имоми бузургвор, авҷи ғайрати динӣ буд. Воқеан ҳеҷ касро мо надидем ва нишнохтем, ки аз лиҳози нисбат ба дину фарҳанг, дину зиндагии динӣ, сабки зиндагии динӣ ва аҳкоми динӣ мисли Имоми бузургвор бошад.”

Пурбоздидтаринҳо

All rights reserved This website is owned 2017